2客家商業用語會話(一)第七課交 際 應 酬~第十一課 開拓togˋ商機
客家商業用語會話(一)本文試用錄音(阿廖伯讀錄 22:39分)https://drive.google.com/file/d/1Mv1c3g1-oDC-eUq1fxmpeJZjW9N8H3oU/view?usp=sharing
客家商業用語會話(一)
第七課  交 際 應 酬 
◆本文中人物:秘bi 書,王董dungˋ,王董娘,林董,林董娘,張總zungˋ。
秘書:唉eˋ!這係he 旺vong福fugˋ有限han公司,汝好!噢oˋ!先生汝係he滿manˊ德有限公司的林董事長係he嗎?
林董:係he啦!唉ai喲io 噢oˊ!林秘bi書!汝介耳ngiˋ公樣ngiongˋ會恁anˋ利li啊iaˇ!電話一拿啊va起就知diˊ係he 𠊎ngaiˇ,實在無moˇ簡單!怪唔得王董嘴上hong時常稱ciinˊ說sodˋ講林秘書,汝係相當聰明又伶linˇ利的好秘bi書!請問王董有在公司無moˇ?
秘書:感謝林董介稱說!王董就在這iaˋ,請汝等denˋ一下,報告董事長!滿德公司介董事長,林董事長打電話來,請汝接giabˋ聽!
王董:喂veˊ!林董!恁anˋ久好嗎?樣ngiongˋ罕honˋ得聽到汝介電話呢noˋ?
林董:還好講!恁anˋ久為了liauˋ美國介訂tin單出貨,𠊎同張總經理,兩儕saˇ都係日夜無閒了neˇ幾下禮拜!
王董:恭giungˊ禧hiˋ!恭禧!公司日夜無閒,業績jidˋ一定係相當好!
林董:差唔mˇ多啦!到今晡buˊ日正較go閒些xidˋ把地!𠊎想愛來去汝該ge跡jiagˋ仔geˋ坐聊liau泡茶一下地veˊ,同時答謝qia汝!恁anˋ關懷𠊎介公司,唔知汝有閒無moˇ嚎hoˋ?
王董:有有有!講到林董愛來,𠊎再無閒又係me會停下工作來,開大門迎ngiangˇ接汝(nˇ,ngˇ)!
林董:啊aˋ!非常感謝!王董對𠊎介一份真情同惜xiagˋ情!好!𠊎再過30分鐘會同𠊎介張總經理共下去拜訪fongˋ汝!
王董:嘎ga好!唔過這下係臨 limˇ晝zu邊11點了meˇ呢!𠊎拜託吾ngaˊ婦人家準備家常songˇ便飯,請汝等留下來食晝zu,同時希望汝招邀ieuˊ董娘ngiongˇ共下來好嗎?拜bai託togˋ!拜託!
林董:恁anˋ工夫嗄haˋ!恁地neˊ去唔會忒tedˋ大陣ciin 嗄haˋ?
王董:唔會啦!吾ngaˊ婦人家時常掛唸講;愛請董娘來吾ngaˊ公司坐聊liau 啊va咧 leˊ!這下恁堵duˋ好!請汝等遽遽giagˋ來喲 ioˊ!
林董:好!嘎ga就tu恁地neˊ決定,𠊎12點以前到嗄haˇ!再見!
王董:婦fu人家!林董同董娘愛來公司坐聊搭dabˋ愛在這食當晝zu啊va噢voˊ!
王董娘:樣ngiongˋ臨limˇ臨時決定呢no?嘎ga!餐席xid愛樣地ngeˊ準備啊iaˇ?
王董:簡單啦!汝唔知林董伊等denˊ倆公婆係he有錢儕saˇ人窮苦命嗄haˋ!看到蘿蔔ped仔leˋ,豆豉sii,王梨醬,都係he愛到相似命樣iong地ngeˊ喲ioˊ!還有貼tiabˋ豆豉sii 缸底介竹筍仔撿giamˋ啊ma出來,包伊等食啊la唔肯henˋ歸都有噢voˊ!
王董娘:好!照汝所講的菜單,𠊎唔使siiˋ十分鐘就做得全部上sonˊ桌撿giamˋ好勢se!唉aiˊ!愛擐kuan 酒嗎?
王董:這iaˋ下林董倆公婆專心公司,嶄zamˋ滿誠心,煙酒都無食,搭dabˋ登denˊ常食齋zaiˊ喲 ioˊ!
王董娘:蓋好!蓋好!恁地neˊ又同𠊎等合gagˋ得geˋ到噢voˊ!
秘書:董事長!今晡buˊ日係拜六,𠊎愛下班了neˇ呢ne!唔mˇ知董事長有麼magˋ介指示的地方無moˇ?
王董:事是siiˇ無!唔過汝係he 細se妹仔ieˋ人,唔知汝下haˊ晝zu有閒無?若naˊ係有閒,當晝zu就共kiung下這食晝zu ,林董伊等愛來!
秘書:恁anˋ地neˊ喲!嘎ga!𠊎先打電話同吾ngaˊ姆meˊ講知一下,留下來同董娘[捲ten]手招待dai人客!
林董:張總經理!到了veˇ喲io!來來來!𠊎來撚ngianˋ電鈴linˇ!
秘書:喂veˊ!林董係he嗎?王董己經行出去開大門迎ngiangˇ接汝等了neˊ!
林董:王董!王董!汝好!汝好!壞勢se!壞勢!路上塞sedˋ車!慢了neˇ幾分鐘,真感謝了veˊ!又分bunˊ汝親自來開門!
王董:𠊎較go壞faiˋ勢!𠊎在大門企kiˊ了ieˇ五分鐘,翻fanˊ頭一下,汝等就來到了veˇ!續sa無開便大門,來迎接汝等,𠊎又係me感覺到蓋壞勢!林董!董娘!張總經理!歡迎大家光臨limˇ!
林董娘:王董!董娘在該ge無閒係meˇ?
王董:嚎hoˋ!伊iˇ喲ioˋ!聽到汝愛來!疲piˇ爬憊pi蹶kied在灶zo下準備,愛好好地veˊ來款kuanˋ待tai 汝等denˊ啊na噢voˊ!
林董娘:𠊎等又唔係me 麼magˋ介大人客!唔使siiˋ恁工夫哪naˊ!
王董娘:壞勢!壞勢!無去大門迎接,失禮!失禮!𠊎在灶zo下無閒,請原諒!
林董娘:實在久無來了ieˇ呢ne!這包蘿蔔ped角干gonˊ,係he去美濃阿三伯屋家,伊自家親手做的,聽講料理食起來,親qinˊ像鹿肉干樣iong地ngeˊ啊ia 噢voˊ!𠊎等唔盼pan得食,留來送王董介!
王董娘:恁anˋ堵duˋ好!今晡日請汝等的料理,又係me有[澼biag]蘿蔔ped干這一項,嘎ga來!12點零了ngeˇ喲io!緊ginˋ食緊講好嗎?
林董:阿姆[女哀]oiˊ喲ioˊ!滿桌的菜都係𠊎最好hau 介,婦人家!汝愛同𠊎介手控kung制好勢喲!嘎ga無!會害𠊎[口童]cang到真像[蜴guaiˋ踗ngiam仔meˋ]樣iong地ngeˊ喲ioˊ!恁地neˊ是siiˇ壞看相呢ne!
王董:來來來!𠊎用果汁ziibˋ代酒敬大家,嘿嘿heˋ!
林董!汝這擺出口外銷訂tin單恁多價數又好,在這裡一併bin 慶祝!
林董:講到這點,𠊎真感謝!𠊎介張總經理,伊在這兩三年以來對公司實施siiˊ麼mag介[循環管理]方面,做啊va 嶄zamˋ滿澈cad底,不管[品質控制]也係[行銷方面],伊都duˊ係相當地nge注意,正zang有今晡日的業績jidˋ。來來來!𠊎也代表公司向王董,董娘,敬gin 一杯,𠊎也感謝張總經理介忠心赤cagˋ膽damˋ敬一杯!
王董:在蓋goi久之前,𠊎心肚裡都duˊ緊想,𠊎係he唔係me做得請張總經理,將汝公司的管理觀念吐tu得veˋ些xidˋ把baˋ地veˊ,來同[涯]等公司的幹部做一個業務心得交換van 好嗎?
林董:若naˊ係無棄hi嫌hiamˇ,奈nai有麼magˋ介做唔得的le 啊iaˇ?𠊎等都係兄弟,奈nai有麼介暗am 磡kamˋ的呢?
王董:來來來!大家來乾gonˊ杯,來慶祝[涯]等大家,不論私下交情也係公司業務,都係日長月久,永遠有美好的遠景ginˋ與業績jidˋ!
林董:唉aiˊ喲 ioˊ!講啊nga講地ngeˊ!食啊la食地 leˊ!這下已經兩點零了ngeˇ呢ne!王董!汝看!大家滿心快樂,實在非常感謝王董同董娘介招待,[涯]看今晡buˊ日就暫qiam時做一個段tan落log,[涯]還有些把地要緊的事愛歸去做呢ne!噢oˋ![涯]介婦人家同董娘去奈na了ieˇ啊 iaˇ?
王董:該ge係me!伊等倆儕saˇ正經在該ge講唔知麼介細話仔veˋ!又搭dabˋ謔nagˋ到緊伸cunˊ腰噢voˊ!唔知講束sod了leˇ嗎?𠊎來去看啊na!汝等兩儕saˇ的開會結束sugˋ了geˇ嗎?林董有事愛歸了ieˊ喲io!
王董娘:好好!嘎ga就暫qiam 時結束sugˋ!下遇ngi 擺baiˋ正來續sa下集xib好了veˊ!
林董:嘎!今晡日就攪gauˋ吵到這裡!時間也暗了meˇ!好!再見!請留步!
------------.
◇本文客語(四縣)注釋:
1.唉!:感嘆詞有e(ㄝ)& ai(ㄞ)兩音,聲調可有四聲,但各聲語意(文義)不同。本文中用第二聲。 
 2.係:有he(ㄏㄝ)& me(ㄇㄝ)兩音,肯定句用,否定句&連接句(又係)&語問句時用音,如:是不是=係he唔mˇ係me?=係he係meˇ?,[又係me係he]=而且又是。
3.唉ai喲io噢oˇ!:感嘆詞,各族群間的感嘆詞各有不同用法,在語言的使用[感嘆詞]&[狀聲詞]是各族群語言的特徵之一,如前<唉ai 喲io噢oˇ>是三字連用且[噢oˇ]拉長音,本感嘆詞可用在極端的[好&壞],轉換成形容詞。如:阿姆[哀oi]喲 ioˇ=伯m媽maˋ屄baiˇ喲 io噢oˇ(美濃地方語)。[涯ngaiˇ]:我,[涯ngaiˇ]人部首。
4.噢!:本字有單字音與聯音字(有九音)兩種用法:
 (1)單字音:基本單音 (ㄛ),如<唉>一樣有四聲,但各聲語意(文義)不同[唉]&[噢]在單一字.兩字,三個等同字連用,其語意也不同。如:噢!,噢噢!,噢噢噢!。
 (2)噢為聯音字時,是以(ㄛ)為韻母音,依<噢>字的前一個字韻母尾音承接轉換為聲母,共有為聲母音,在客話白話文中必須熟絡善用,本轉音用法可參考。
(3)嘿heˋ嘿heˋ:客語感嘆詞與河洛華語的語音語意有所不同,其聲調與字數不同,其語意文義也不同。
5.稱ciinˊ(qinˊ)說sodˋ:稱讚,讚賞。稱ciinˊ→qinˊ,(zii→ji,cii→qi,sii→xi)。
6.樣ngiongˋ罕hanˋ得:怎麼這麼難得。罕honˋ。
7.較go閒hanˇ些把地veˊ:比較有閒。<些把地veˊ>&<兜deuˊ地veˊ>稍異。
8.有有有!:表示親切的加重語氣。坐坐坐!,請請請!,失體失禮失體!。
9.[捲ten]手:幫忙。[捲ten]卷字下改巾字。擐kuan酒:打酒,買酒。
10.撿giamˋ啊ma出:撿giamˋ碗筷,撿giam、錢。撿ngiamˊ柴(北部全部用giamˋ)。
11.疲piˇ爬paˇ憊pi蹶kiad:渾身解數的力量。[蹶kiad&踐jien]用法不同。
12.細se妹仔ieˋ人:指小姐輩。細妹仔ieˋ:指女性。男仔meˋ人:己結婚男人。
13.忒tedˋ大陣ciin:忒tedˋ→超過,太多的意思。
14.[林董事長]簡稱[林董dungˋ]。張總經理→張總zungˋ。董娘→董事長夫人。
15.嘎ga無:反折語句,假如無。[口尢ang]有:順接語句,假如有。
16.續sa無:預料不到,結果無。相當[卻 kiogˋ]字。
17.循sunˇ環kuanˇ管理 [計劃,執行,檢討,改善]→[P.D.C.A]四項。
18.棄 hi 嫌hiamˇ→嫌hiamˇ棄 hi(華語)。棄hi →眾多錯誤成音。
19.暗am磡kamˋ:掩amˊ遮zaˊ唔分人知。磡kamˋ(大石頭)→磧zagˋ(細石頭)。
20.做唔mˇ(毋)得:不可以。細se話仔veˋ:唔分他人家知的話。
21.[瞳cang]到真像[蜴guaiˋ踗ngiam仔meˋ]:食到當飽像蝌蚪。[瞳cang][童]加口部首。[蜴guaiˋ][另]字加虫部首。[踗ngiam][念]加虫部首。
22.該ge係me:那個不是嗎? 講束sod:講完。結束sugˋ。 
23.該ge跡jiagˋ仔geˋ:那個地方。古蹟jidˋ。腳印 iang。腳跡jiagˋ。
24.講啊nga講地ngeˊ:講了講終於怎麼樣。[講啊nga講地ngeˊ]句型。
25.下遇ngi擺:下一次。迎ngiangˇ接。萌menˇ芽ngaˇ:暴bau芽,暴菇guˊ,綻can   筍sunˋ。
26.王董有在公司無moˇ?:本句問話必定愛加(所在),不然有損話意。有在無?無在了!
27.長congˇ長congˇ長cong長cong:長長久久,客語四隻字讀法<ˇˇ--  -->聲調。
28.遠ianˋ景ginˋ:前途。遠ianˋ→ienˋ(北部音)。
29.[澼biak]蘿蔔ped干:[蘿蔔ped干(乾)]加油烈火煎,.[澼biag]改火部首。
30.些xidˋ把baˋ地veˊ:一點點。
31.[汝等denˋ]一下:你等一下。[汝等nenˊ]:你們。
32.當dongˊ晝zu:中午。暗晡buˊ:晚上。
33.罕honˋ得:很少有。
※34.在本文中[啊,也,地,個,介,的,了,得,仔,噢]為[轉音字],詳請參閱[轉音字用法要領]。
========.
客家商業用語會話(一)
 第八課  乞食行銷經營
◆本文中人物:董事長,吳秘書,邱明光,林阿義,張阿伯,乙路人,丙路人,阿蘭。
吳秘書:(手上hong 捧bungˋ等nenˋ一杯茶入ngib來,將茶放在萬泰辦公桌上)董事長這係he若ngiaˊ茶!
董事長:承siinˇ蒙mungˇ…!吳秘書!請公關guanˊ邱明光來辦公室一下!
吳秘書:好!(離開辦公室)。
董事長:(繼續看公文,三分鐘後,[敆gog]門聲音)請入來!
邱明光:董事長!您尋qimˇ𠊎ngaiˇ係he係meˇ?
董事長:上禮拜交代dai你,有關公司業務人手毋mˇ罅la 的事,有人來應徵ziinˊ嗎?汝辦啊na樣ngiongˋ地ngeˊ啊iaˇ?
邱明光:報告董事長!廣告一登denˊ啊na出去,應徵的人盡踴iungˋ躍iogˋ,有百過儕saˇ人來應徵呢ne!
董事長:來應徵的ne有恁anˋ多奈nai 種人?
邱明光:有大學生,碩sag士,博士,三教九流的都duˊ有。
董事長:但是,𠊎等淨qiang 愛採取一儕saˇ就罅la了veˇ。
邱明光:𠊎有同相關部門的主管研ngianˇ究過,最後錄liug取一位,係盡優秀,博士級gibˋ介be。
董事長:唔ngˋ!
邱明光:請示董事長,係he唔係me安排一個時間請董事長來鑑gam定過呢no?
董事長:好!嘎ga就tu 通知diˊ天光日朝zeuˊ晨siinˇ十點來辦公室面試sii。
邱明光:照zeu 辦!。
吳秘書:報告董事長!外no背boi來一位男士,一定愛見您。
董事長:請佢giˇ入來啊iaˇ!
吳秘書:唔過佢giˇ著zogˋ的衫samˊ褲fu盡阿oˊ糟zoˊ,當像乞kiedˋ食仔leˋ樣iong 地ngeˊ。
董事長:噢oˇ!麼mag介人?
吳秘書:無看過?
董事長:冇moˇ相干gonˊ,嘎ga 就tu請佢入來。
吳秘書:好!。
林阿義:董事長!您好!。
董事長:你有麼mag介事啊aˇ?
林阿義:係he恁anˋ地neˊ啦!聽講您介nge公司當賺錢,愛增加採用人員,唔mˇ知diˊ有影iangˋ也ngaˊ無影?
董事長:毋mˇ過,本公司一般業務服務人員冇moˇ欠kiam 呢ne!
林阿義:董事長!𠊎今晡日來,毋係me 愛來應徵的ne。
董事長:毋係me愛來應徵?(懷faiˇ疑ngiˇ表情)。
林阿義:𠊎係he有事愛來請教您,董事長介ge!
董事長:請教𠊎麼mag介事呢?
林阿義:實際上,𠊎在十年前同您共樣iong ,係he一間公司介董事長,職員工人數有三百零儕saˇ人,近年來經濟唔mˇ好,有一些xidˋ生產出來的ie貨無人愛, 公司倒忒tedˋ, 連[涯]介餔buˊ娘子女全部都離開了ieˇ。
董事長:仰ngiongˋ會恁悽qiˊ慘camˋ呢?
林阿義:人係衰soiˊ,運氣就唔好。
董事長:嘎ga你這下做麼mag介頭路呢?
林阿義:做伸cunˊ手將軍。
董事長:伸手將軍𠊎冇moˇ聽過!
林阿義:係做乞kiedˋ食啦!
董事長:噢oˋ!(好笑)嘎ga你今晡buˊ日係愛來討食分bunˊ錢的喲ioˊ!
林阿義:毋係me愛來討食分bunˊ錢,𠊎係愛來請教你,請汝ngˇ教𠊎做乞食,有麼介好方法,乞食這一行正會有好業績gidˋ。
董事長:做乞食仔leˋ方法,不妨fongˇ你可以用做生理的ie理念來經營,試cii 看哪na咧leˊ!
林阿義:做生senˊ理的理念來經營。
董事長:唔ngˋ。
林阿義:承蒙!承蒙!𠊎知diˊ了ieˇ(當高興走zeuˋ了)!聽了ngeˇ萬泰董事長的一句話,忽fudˋ然有了veˇ靈感,一點就破玄hianˇ機,恁地neˊ就知得如何經gin 營inˇ乞食仔介生理ieˇ。離開以後,阿義依i照過去的習xib慣guan ,準備好舊kiu面盆仔neˋ到乞食的地盤,掛起討食的招牌,[阿義乞食所],請一律恩賜su 十個be銀],放biong在乞食位跡jiagˋ身邊,有兜deuˊ的人丟tiuˋ十個be銀。有一次甲路人張阿伯丟一百銀ngiunˇ在佢的舊面盆punˇ仔neˋ肚裡,當張阿伯準備愛走zeuˋ的ve時節阿義就緊緊行上前講;
林阿義:善心的me 阿伯!請等一下!
張阿伯:仰ngiongˋ般呢?一百箍kieuˊ毋罅la 係he 嗎?
林阿義:忒tedˋ多了veˇ 啦![涯]愛找九十個be銀還你!
張阿伯:喔oˋ!𠊎覺goˋ到毋罅la喔voˊ!毋使siiˋ找,毋使找zauˋ。
林阿義:無moˇ找做毋mˇ得!會打壞faiˋ𠊎介名聲呀ngaˇ!
乙路人:(圍觀人都感覺gogˋ好笑)做乞食的人,若naˊ係he人分越iadˋ多越好,佢giˇ續sa講;會打壞佢介名聲哇va ?嘎ga!𠊎分bunˊ伍個nge 銀分bunˊ你!
林阿義:伯母!承蒙你!伍個銀𠊎毋愛moiˊ,請你拿轉去。
丙路人:𠊎ngaiˇ!𠊎也分你十個銀(將十個銀丟tiuˋ落盆仔肚裡)。
丁路人:堵duˋ好𠊎有零星sangˊ錢,十個銀分bunˊ你!
林阿義:恁仔ziiˋ細se !承蒙!承蒙!
林阿義:𠊎阿義乞食保持ciiˇ等nenˋ自家介經營行銷seuˊ理念ngiam,當做係做生senˊ理,不budˋ貪小利,少唔愛moiˊ,多了veˇ愛還vanˇ人家,就恁anˋ地neˊ,使令lin 到乞食的涯,名聲一傳十,十傳百,一年以後,將乞食的零星sangˊ錢積gidˋ少成多,貸toi 款買下了veˇ一間法院拍pogˋ賣的屋仔geˋ,一部份的錢拿來經營早餐的生理,招牌[阿義早餐店]一律30元食到飽,也認識年齡少佢giˇ五歲介細se妹仔ieˋ阿蘭,每日生理非常好,有一日萬泰董事長帶等nenˋ員工,特別來食早餐,一入店門,阿義馬上認ngin 出萬泰董事長,阿義非常高興,請大家入來坐,阿義講:
林阿義:董事長請入來坐!請入來坐!難得您會來捧bunˋ場,恁樣ngiongˋ!𠊎就會發財了ieˇ哪naˊ。
董事長:想唔到你又做老闆banˋ了neˇ。
林阿義:今晡buˊ日會出頭,完全係he 董事長!您係𠊎介貴人!
董事長:𠊎並無同你[捲ten]手,你講麼magˋ介呀?𠊎樣ngiongˋ聽唔識sii!
林阿義:就係he 在一年前,𠊎去若ngiaˊ公司請教您,您講了ngeˇ一句話點醒了ngeˇ𠊎。
董事長:麼magˋ介話點醒汝呢?𠊎記唔得了leˇ。
林阿義:您教gauˊ𠊎做乞食愛像qiong 做生理liˊ的方式siid一樣,不貪不取的精神,𠊎正zang 有今晡日。
董事長:所以你早餐店招牌會寫一律30元,看你生理恁好,敢堪kamˊ得meˋ過。
林阿義:阿蘭過來!𠊎來介紹這就係𠊎介貴人董事長。
阿  蘭:董事長!您好。
林阿義:佢係𠊎介未婚funˊ妻qiˊ--阿蘭。
董事長:您好!奈nai 久愛結婚啊naˊ?
林阿義:就在下隻zagˋ月。
董事長:𠊎一定會參加食喜hiˋ酒。
林阿義:𠊎會請您坐大位!但是[涯]做乞食的頭路,您就唔好分bunˊ𠊎漏lau氣kuiˋ喲io!
董事長:𠊎到時唔單只ziiˋ愛宣佈!𠊎還愛在演講場所講分bunˊ大家聽。
林阿義:嘎ga 𠊎就漏氣kuiˋ了ieˊ!
董事長:不但毋mˇ會漏lau氣kuiˋ,分bunˊ做事業的be人有一個典dienˋ範fam 作用。
林阿義:嘎ga 唔係me 鼓勵大家做乞食仔leˋ嗄haˋ!
董事長:並唔係me鼓勵大家去做乞食,係以乞食的例仔ieˋ來勉mienˊ勵不管做奈nai 一行業的人,都愛有[行銷經營的理念,不貪不取的精神,老實正有底] 。
林阿義:嘎ga 朝zeuˊ晨siinˇ這餐,由[涯]來請大家!
董事長:不能有例li外!吳秘bi書早餐錢還是照算!
吳秘書:照辦!
阿義&阿蘭:歡送萬泰董事長一行人, 
董事長:今晡日食了leˇ這個早餐,感覺到相當有成就感,就恁anˋ地neˊ!𠊎以後有人邀ieuˊ請演講之時, 𠊎永久愛將阿義介經歷故事,以[乞食行銷經營]為主題向眾人演講,觀眾聽了ngeˇ以後, 一定會深深地me 感覺到相當有意義!
  --------------.
◇三.本文客語(四縣)注解:
1.入來:進來。[敆gog]:[敆gog)字合改[各],中&食指反背敲kau。
2.係he惹ngiaˊ茶:是您的茶。惹(ngiaˊ)→若naˊ。
3.毋罅la:不夠。手罅(la)→手縫pung。
4.恁anˋ多麼magˋ介人:那麼多誰。
5.[涯ngaiˇ]等:我們。[涯ngaiˇ]→改人部首,我。
6.一儕saˇ就罅 la:一位就夠了。
7.天光gongˊ日:明天。
8.請佢giˇ入來啊iaˇ:請他進來呀。
9.唔mˇ過佢giˇ著cogˋ的:不過他穿的。
10.盡阿oˊ糟zoˊ:很骯oˊ髒zoˊ。
11.乞kiedˋ食仔leˋ樣:乞丐一樣。
12.[敲gog] 門:手五指彎曲反背輕輕敲,[敲gog]本字將[高]換[各]字。
13.麼nagˋ介人:什麼人,奈一類的人。
14.係he恁anˋ樣ngiongˋ啦:是這樣啦。
15.毋mˇ過:不過。
16.毋係me:不是。摎lauˊ您共樣:和您一樣。
17.三百零儕 saˇ:三百多人。
18.冇moˇ幾久:沒多久。
19.唔(毋)mˇ罅 la:不夠。
20.餔buˊ娘:姐jiaˋ仔veˋ:妻子。
21.仰(樣)ngiongˋ會:怎會。
22.今晡buˊ日:今天。
23.生senˊ理的:做生意的。
24.一百箍kieuˊ毋罅la 係meˇ:一百元不夠嗎。
25.忒tedˋ多了veˇ啦:超過了。
26.[涯]愛找九十個be銀還你:我要找你90元還給你。
27.[涯ngaiˇ]覺goˋ到毋罅la:我以為不夠。
28.毋使siiˋ找:不用找。
29.無找做毋mˇ得:沒找不行。
30.佢giˇ講:他講。
31.嘎ga![涯]分伍個nge銀分你:那!我就分給你伍元。
32.轉zanˋ去:回去。
33.恁anˋ生趣qi :那麼有趣。
34.愛十個be 銀ngiunˇ:要十元。
35.堵duˋ好[涯]有零星sangˊ錢:正巧我有零錢。
36.恁anˋ樣ngiongˋ(地neˊ):這樣子。
37.[捲ten] 手:幫忙。[捲]字下面己字改[巾]字。
38.敢gamˋ堪kamˊ得meˋ過:轉得neˋ過來嗎?
39.坐大位:主桌大座位。
40.[涯]做乞食的頭路:我做乞丐的工作。
41.唔mˇ單只ziiˋ:不只。
42.畀biˋ:給他,分伊。分bunˊ你ngˇ:分bunˋ。
43.常透teu:經常。
※.在本文中[啊,也,地,個,介,的,了,得,仔,噢]為[轉音字],詳請參閱[轉音字用法要領]。
 =========.
客家商業用語會話(一)
第九課  敬拜辦貨  
◆本文中人物:雄hiungˇ伯bagˋ,阿aˊ松qiungˇ,阿發fadˋ,祥xiongˇ嫂soˋ,福fugˋ嫂, 阿梅moiˇ。
雄伯:啊aˋ!老上人常講:[年怕pa中秋,月怕半]同時又有一句話講[天上神仙,眠minˇ了neˇ一個當晝zu目mugˋ起hiˋ來,凡間己經過了veˇ3000年了neˇ]啊iaˋ!一些xidˋ都duˊ無爭zenˊ差caˊ,時間過啊va 真遽giagˋ噢goˊ!
阿松:雄伯!汝頭到所講的啊iaˇ!確實係有影iangˋ噢ngoˊ!明明上隻月介ge 七月半正對目尾毛漂piu啊va過,今晡buˊ日又係 he中秋節leˇ喲io !雄伯!敬gin 阿公婆的牲senˊ人,汝準備好了veˇ嗎?
雄伯:這iaˋ下自家無畜hiugˋ雞鴨,愛敬阿公婆的豬肉,𠊎ngaiˇ早都同阿發註zu文好勢se了ieˊ!唔過,魚仔ngeˋ,雞肉,金香紙燭zugˋ,𠊎還唔mˇ曾qienˇ去買呢!
阿松:噢oˋ!雄伯!照汝恁anˋ地neˊ講,汝對祖先係he相當誠siinˇ心孝敬的喲ioˊ!
雄伯:奈nai有啊vaˇ!這係he風俗xiug!也係he為人子孫,應有的表現啊naˇ!一代傳一代,大家規規guiˊ矩giˋ矩,沿ianˇ續xiug做下去,這唔係me蓋有意思嗄ha?講到敬阿公婆,祖先又係me淨領𠊎等一個誠siinˇ意,終就又係me涯等自家好彩coiˋ。
阿松:雄伯!趕早zoˋ噢voˊ!吾ngaˊ爸頭滿manˊ緊催cuiˊ𠊎,今晡buˊ日朝zeuˊ晨siinˇ愛較go 早兜deuˊ地veˊ!去辦敬阿公婆的貨色sedˋ噢lo!共下來去好嗎?
雄伯:好!嘎ga就汝駛細se貨車仔veˋ,汝載𠊎共下來去市場好了veˊ?
阿松:灶zo 君其iaˊ老弟[灶zo德](做得)!雄伯!請汝上車,遽giagˋ遽來去!
雄伯:阿松!請汝先來去阿發的豬肉店看啊na!𠊎同汝註zu文vunˇ的豬肉料有留分bunˊ𠊎無moˇ?
阿松:雄伯!阿發的豬店到了veˇ喲io!請下車𠊎將車仔放好!
阿發:噢oˋ!雄伯!汝等兩儕saˇ樣ngiongˋ恁anˋ早啊!
雄伯:奈nai有早啊vaˇ!日頭半丈高了veˇ喲io!阿發!昨coˊ晡buˊ日𠊎註文的胛gabˋ心肉料三斤,有留好勢se了ieˇ嗎maˇ?
阿發:早都同汝稱ciin 好勢se了ieˊ!吊diau啊va在這iaˋ裡,汝無moˇ看到嗄ha?還好講!頭滿manˊ阿西伯啊gaˇ!來這iaˋ,分bunˊ伊看到,伊喲ioˋ!硬ngiang硬合gagˋ意愛汝這塊豬肉料,箍koˇ了veˇ當久,險hiamˋ險分伊賭duˋ拗auˊ蠻manˇ擐kuan走,𠊎講做唔mˇ得,這係雄伯先註文的,𠊎再樣ngiongˋ地ngeˊ同伊講,伊都唔相信,害涯同伊解釋了leˇ一久,賠poiˇ了ieˇ一多失禮汝知diˊ嗎?嘎ga!阿松!汝愛交gauˊ官gon得neˋ些xidˋ把地veˊ無?
阿松:怕pa唔使sii啦!𠊎上日同汝斫zogˋ的豬肉,涯有臘labˋ上hong起來,𠊎用臘干gonˊ敬阿公婆好了veˊ!
阿發:屙oˊ屙巴baˇ巴!奈nai有人用[臘干]來敬阿公婆的啊iaˇ?恁唔適didˋ當的字sii 眼,來來來!汝看愛奈nai料較go好!
阿松:哈哈!𠊎係講謔nagˋ的!𠊎介阿公婆又係me愛食新鮮的肉,奈有用舊陋leu肉料來敬的呢!阿發哥!同𠊎斫zogˋ三斤,胛gabˋ心肉來好了veˊ!
阿發:噢oˋ!今年菁qiangˊ仔ngeˋ收成恁anˋ好!大家都係斫zogˋ啊ga恁大料噢voˊ!
阿松:嘎ga好!照汝恁地neˊ講,同𠊎搣miedˋ一析sagˋ[豬片pienˋ]來較go 好!
阿發:惹ngiaˊ猴仔veˋ啊ia!又唔係me 討心舅送完聘pinˋ哩!麼manˋ人用一析sagˋ豬片來敬阿公婆的啊?嘎ga!三斤就三斤好了veˊ!𠊎相信汝等的阿公婆看到doˋ恁大料liau的豬肉,一定會謔nagˋ啊ga牙ngaˇ射鬚xiˊ射,唔知一歡喜了ieˊ!
雄伯:阿松!共快撿giamˋ錢分bunˊ人,話莫mog講恁多,[涯]等還愛買魚仔ngeˋ,雞仔ieˋ呢ne !
阿發:承siinˇ蒙mungˇ汝!感gamˋ謝qia 汝!兩儕saˇ順行hangˇ噢ngo!
阿松:雄伯!行噢ngo!先來去阿祥嫂該ge擔damˊ買魚仔好嗎?
祥嫂:阿雄伯!阿松仔!汝等兩儕saˇ恁早啊vaˇ!今晡buˊ日愛買麼magˋ介魚啊ngaˇ!這有鯇vanˊ仔neˋ,南洋鯉liˊ,蝦haˊ公,馬虱sa嘜mag(虱目魚),嚎hoˋ!今ginˊ晡buˊ日魚仔介貨色,多又新鮮!看啊na愛奈nai項啊ngaˇ!
雄伯:𠊎等敬阿公婆,通常都係用[馬虱sa嘜mag(虱目魚)]來湊ceu 牲senˊ,這較go大尾的稱ciin分涯!
祥嫂:好!這尾實在大尾又新鮮,汝等看!魚目珠還會看人呢ne!一新鮮來講啊nga是sii咧leˊ哪naˊ!來!𠊎先來打鱗linˊ!
阿松:阿祥嫂講伊介[馬虱sa嘜mag (虱目魚)]介目mugˋ珠還會看人哪naˋ!𠊎講魚目珠,搭dabˋ會緊ginˋ囁ngiabˋ噢boˊ!
祥嫂:阿松仔還hanˇ猴了veˊ!看人是sii 有影的nge ,緊囁ngiabˋ是siiˇ屙oˊ巴baˇ了liauˋ了的ve !
雄伯:好了veˊ!好了!阿松仔!看啊na愛稱ciin 奈尾miˊ?共快決giadˋ定啊naˇ?唔好moˋ淨淨用嘴呷gab啊ba呷地beˊ! 
阿松:阿雄伯!蓋壞faiˋ勢se呢ne!涯介嘴控kungˋ制唔住hed啊laˇ!較go好hau講話啦laˋ!嘎ga就tu買這尾[馬虱嘜mag(虱目魚)好了veˊ!
祥嫂:感謝汝等兩儕saˇ,還有欠kiam 麼magˋ介無moˇ?
雄伯:恁地neˊ就好了veˊ!𠊎等還愛來去買 [左魚,右肉,中間的雞仔]呢!
福嫂:來來來!阿雄伯!汝等兩儕saˇ恁早啊vaˇ!
阿松:這下行路都唔mˇ使siiˋ點電火,奈nai有早啊vaˇ?
福嫂:係he 喲io!無早了veˇ呢!汝等愛買麼magˋ介啊?
阿松:汝這iaˋ跡jiagˋ仔geˋ還有較go 大隻的大閹iamˊ雞無moˇ?吾ngaˊ爸朝zeuˊ晨siinˇ交代dai𠊎,愛買一隻大閹雞來敬[阿公婆]!
福嫂:恁堵duˋ好!汝相當有福fugˋ氣!今晡buˊ日賣啊ia 剩cunˊ一隻,包汝中zung意!人家買唔橫vang的[九斤雞]!係he畜hiugˋ了geˇ相當久的大閹iamˊ雞!
阿松:汝這隻大閹雞,有九斤重嗄haˋ?
福嫂:差唔多三斤零了ngeˊ!奈有人的雞仔,有九斤的啊iaˇ!
阿松:嘎ga無!樣ngiongˋ會安onˊ到doˊ[九斤雞]呢no ?
福嫂:這係[雞種zungˋ]介名仔ngeˋ的一種,並唔係這隻雞仔有九斤重啊ngaˊ!
阿松:嚎hoˋ!恁地neˊ係meˇ!𠊎就同汝買這隻!愛敬阿公婆介ge喲io !同𠊎[犀ciiˇ]好勢se以後,雞腳愛搵vudˋ,翼id愛拷kauˊ分伊靚jiangˊ,有樣式siidˋ啊la 咧leˊ!
福嫂:𠊎知diˊ!𠊎知!這個係he 𠊎介專門科,唔使siiˋ講𠊎都知!阿雄伯!分汝企liˊ恁久了veˇ!汝愛買奈nai 隻啊gaˇ?
雄伯:𠊎愛一隻較go肥較大隻的[雞僆lon仔neˋ]!
福嫂:噢oˋ!這隻較肥piˇ又搭dabˋ大隻好嗎?
雄伯:噯oiˋ!看啊na去樣ngiongˋ蓋像qiong生過春cunˊ的雞[麻maˇ]!若naˊ係he [雞麻maˇ]敬阿公婆是siiˇ做唔得的ge 呢ne!
福嫂:絕對係[雞僆lon仔]!汝看這隻雞僆仔的[耆sii ]朏fudˋ同[雞髻gi ]!
雄伯:汝講係he就好veˇ啦laˋ!拜託!同𠊎[犀ciiˇ]好,𠊎等先來去買,金香紙燭zugˋ,紙爆仔,過等denˋ下正來擐kuan嗄haˇ!
福嫂:嘎ga好!做zo汝去!再過十過分鐘就好勢se 了ieˇ!
阿梅:來來來!阿雄伯!汝等兩儕sa愛買麼magˋ介啊iaˇ?
雄伯:𠊎等倆儕saˇ愛買敬阿公婆用的金香紙燭,紙炮仔veˋ!
阿梅:好!這兜deuˊ[紙料貨],𠊎同汝辦好勢se了ieˇ!請汝等點看啊na!還有欠kiam麼介無?
雄伯:啊aˋ!還有紙炮仔無買到,汝這有無moˇ?
阿梅:有!汝愛必bi [僻bag]仔geˋ,紙爆pau 仔veˋ,沖cungˊ天炮,也係連炮呢?
雄伯:買十萬響hiongˋ的連炮,兩人各一掛gua!
阿梅:好!全部都齊ceˇ全qionˇ了neˊ!總共各$120銀!
阿松:嚎hoˋ!打這恁大掛gua的連炮,阿公婆唔mˇ知會嚇hagˋ到doˋ嗎?
雄伯:樣ngiongˋ會嚇到啊vaˇ!越iadˋ大聲越歡喜哪naˊ!係he哪naˊ?𠊎唔曾qienˇ擐kuan酒呢ne?
阿松:嘎ga!愛擐麼magˋ介酒啊vaˇ?𠊎看擐kuan 一矸gon [X O]洋iongˇ酒來敬,較厚heu意啊va咧leˊ好嗎?
雄伯:阿松!𠊎看是siiˇ怕愛較go厚意汝自家敢gamˋ嗎?一般人敬祖先用米酒就做得dedˋ了leˇ!好!汝去擐kuan酒,𠊎來去阿梅moiˇ該ge裡擐雞仔ieˋ!
阿梅:阿雄伯!汝等nenˊ兩儕saˇ介雞仔ieˋ,𠊎辦好勢se了ieˇ喲io!惹ngiaˊ車仔在coiˊ奈nai 啊iaˇ!涯同[捲ten] 手擐去!
阿松:阿雄伯!共快喲io!吾ngaˊ爸打大哥大來催cuiˊ了ieˇ喲io!麼mag介愛共快將豬肉,雞肉拿來煠sab!這下鑊vog頭介水,在該ge滾了neˇ啊ia噢voˊ?
雄伯:好!來歸guiˊ!今晡buˊ日辦貨,好在汝駛車仔veˋ來!嘎ga無擐kuan樣ngiong得歸啊iaˇ!感謝汝噢ngoˊ!
阿松:莫客kiedˋ氣!雄伯!屋家到了veˇ!
-----------------.
◇◇本文客語(四縣)注釋:
1.當晝zu目mugˋ:午覺。[涯ngaiˇ]改人部首→我。
2.無爭zenˊ差caˊ:沒有爭議&差別。
3.真遽giagˋ:真是快。有影iangˋ→真的。
4.漂piu啊va過:咻過去。今晡buˊ日→今天。
5.牲senˊ人:祭品(肉類),又稱[牲儀ngiˇ]。
6.註zu文:事先訂貨。好勢se→妥善。
7.金香紙燭zugˋ:指[金紙,香,紙爆,臘燭]四項祭拜用品。
8.唔mˇ曾qienˇ:還沒有。恁anˋ地neˊ講→這樣講。
9.奈nai有:那有。也係he →也是。
10.頭滿manˊ:剛才,頭下。朝zeuˊ晨siinˇ:早上。
11.灶zo君其iaˊ老弟taiˊ:可以,做得(灶zo德, 歇後語).老弟taiˊ→弟弟。
12.胛gabˋ心:脢花肉(上等肉)。奈nai有→那有。
13.硬ngiang硬合gagˋ意:強要。[硬ngiang硬→無形]&[硬ngang硬→有形]。
14.箍koˇ了veˇ當久:討價還價。險hiamˋ險→差一點。
15.賭duˋ拗auˊ蠻manˇ:逞橫霸道。擐kuan走→提走。
16.樣ngiongˋ地ngeˊ同伊講:怎麼樣跟他講。
17.交gauˊ官gon得neˋ些xidˋ把地veˊ:買一些。
18.怕pa 唔使sii:可能不要。斫zogˋ:切,割。
19.屙oˊ屙巴baˇ巴:胡說八道。臘干gonˊ:臘肉類。
20.適didˋ當:適當,適合。肉 料→祭品用肉類。
21.講謔nagˋ:說笑,非正經的談笑。舊陋leu:落伍,老又簡陋。
22.菁qiangˊ仔ngeˋ:檳榔。嘎ga好→那也可以。
23.搣miedˋ一析sagˋ:[搣miedˋ]→弄,做。[一析sagˋ]→ 一半。
24.豬片pienˋ:整隻豬的一半,完聘pinˋ用。
25.完聘pinˋ:指聘pinˋ金全部付清。
26.惹ngiaˊ猴仔veˋ啊iaˋ:笑罵語,惹ngiaˊ→你的。
27.討心舅kiuˊ:娶媳婦。麼manˋ人→誰。
28.謔nagˋ啊ga牙ngaˇ射鬚xiˊ射:笑得嘴合不攏。
29.撿giamˋ錢:付錢。該ge擔damˊ:那一攤。
30.鯇vanˊ仔neˋ:草魚。南洋鯉liˊ→吳郭魚。
31.看啊na:看一看。奈nai項:那一項。
32.湊ceu牲senˊ:配合成套 [左魚,右肉,中間的雞仔] 的牲禮。
33.緊ginˋ囁ngiabˋ:眼睛一直眨呀眨。眨sabˋ→眼睛閉合。
34.屙oˊ巴baˇ了liauˋ了的ve:胡說八道的。
35.呷gab啊ba呷地beˊ:用嘴講呀講的。
36.欠kiam麼magˋ介無moˇ:缺少什麼嗎? 
37.唔mˇ使siiˋ點電火:不用手電筒照明。
38.這iaˋ跡giagˋ仔geˋ:這個地方。
39.大閹iamˊ雞:閹過的大公雞。安onˊ到doˊ:取名。
40.愛搵vudˋ:指兩腳彎插屁股。拷kauˊ:指拷翼胛。靚jiangˊ→漂亮。
41.雞僆lon仔neˋ:未曾生蛋的母雞。雞[女麻maˇ]→曾生過蛋的母雞。
42.[耆sii ]朏fudˋ:屁股,[耆sii ]→尸部下加[旨]。生sangˊ春cunˊ(蛋)。
43.雞髻gi:雞冠。雞頦goiˊ。
44.[犀ciiˇ]好:殺好,[犀ciiˇ]→右邊加刀部首。
45.過等denˋ下:即等一下。擐kuan嗄haˇ:提拿呀。
46.[紙料貨]:即[金香紙燭]一類。
47.必bi [僻bag]仔geˋ:十響的小連炮。[僻bag]→改口部首。
48.在coiˊ奈nai啊iaˇ:在那裡呀。
49.[捲ten]手:幫忙,協助。[捲ten] →左字中[已]改[巾]字。
50.來煠sab:只用清水煮且使之滾,七分熟。鑊vog頭:大鍋子。
51.擐kuan樣ngiong得歸:難以提拿回去。
※52.在本文中[啊,也,地,個,介,的,了,得,仔,噢]為[轉音字],詳請參閱[轉音字用法要領]。
  =========.
客家商業用語會話(一)
第十課  賣豬肉&料理
◇劇中人:阿清嫂,阿清頭,(甲,乙,丙,丁,戊)客人,阿 鈴,錦伯姆,阿年。
阿清嫂:今晡buˊ日係禮拜日,才一隻豬仔樣有罅la擺bai賣!
阿清頭:錢賺毋會足的ge啦!早賣忒hedˋ早休息啊laˇ!
阿清嫂:(看老公緊食菸,緊剁dog豬頭)你啊ngaˇ!做等事se緊食菸唔會痶tiamˋ嗄ha?
阿清頭:就係緊做事se緊食菸,才毋知痶tiamˋ啊maˇ!
阿清嫂:豬腦愛留等nenˋ,中正路介ve李太太昨晡buˊ日有交代dai註文豬腦。
阿清頭:愛一副,也係兩副啊vaˇ!
阿清嫂:𠊎問你,一隻豬仔有一多副豬腦呢no?
阿清頭:係一副啦!唔過豬頭若naˊ係對半剖兩析sagˋ,就變成兩副囉lioˊ。
阿清嫂:別人一副準兩副來賣錢,李太係大顧客,算一副介錢好了veˊ!
阿清頭:(看到甲婦人來)頭家娘恁anˋ早!買豬肉噢goˊ。
甲婦人:老闆麼介安到do[腰內肉] 啊gaˇ。
阿清頭:[腰內肉] 就係華語安到do[小里肌肉]啦laˋ。
阿清嫂:係背囊骨下背一條與大排骨相連的瘦ceu肉。[腰內肉]中無筋,係豬肉中最嫩的ne部分,脂肪量唔高,適合煎、炸、炒等料理方式。
阿清頭:𠊎介姐jiaˋ仔veˋ見擺baiˋ分人請, 就先下手食了leˇ,才同共張桌人介紹。
甲婦人:怪唔得惹ngiaˊ姐仔介ie身材恁anˋ好!
阿清嫂:(壞勢壞勢!唔敢嫌hiamˇ就係了ieˊ)奈nai有啊vaˇ!
阿清頭:(切好一塊腰內肉)這兜deuˊ一共87個le銀ngiunˇ,算汝85個nge銀。
甲婦人:拿出100銀分bunˊ阿清頭!
阿清頭:(找zauˋ錢)15個nge銀找你,承siinˇ蒙mungˇ!
乙客人:老闆啀愛買豬肉,啀介ie孫仔neˋ歸來講愛食炸排骨啊laˋ。
阿清嫂:(同老公講)腰內肉切一塊。
乙客人:請問豬肉大里肌同小里肌,有麼介差caˊ別啊laˇ!
阿清嫂:部位在背脊中dung央ong,大里肌肉質比小里肌較goQ,脂肪含量適中,適合煎、炸、炒等烹調方式,蓋多飯店小食店做炸豬排。
乙客人:𠊎買100銀。
阿清嫂:等一下!馬上切分bunˊ妳!
乙客人:(一手交錢,一手交貨)。
丙客人:老闆banˋ!你賣的ie豬肉係白豬仔肉,也係烏vuˊ豬仔肉!
阿清頭:𠊎兜賣的ie係白豬生烏毛介ve。
丙客人:恁anˋ猴!𠊎樣ngiongˋ無看過白豬生烏毛介ve呢?
阿清嫂:𠊎兜賣主顧客,不但賣烏豬肉,專門食豬菜,米汁ziib水,賣信用的。
阿清頭:𠊎兜賣係信用的nge,豬肉蓋甜蓋好食!
丙客人:有影iangˋ也ngaˊ無影!
阿清頭:出大日頭,包準有影!
丙客人:𠊎老公蓋愛食豬腳,喊𠊎滷豬腳,𠊎又毋識滷過,𠊎唔曉得愛樣地ngeˊ滷。
阿清頭:𠊎同介紹,內埔街上有一家客家會館。專精了解六堆文史方面介劉董事長會做導遊又會解說,又當會滷luˊ豬腳kaˇ(giogˋ),錢拿去該ge買就好了veˇ。
阿清嫂:還有客家會館有好歇hiadˋ夜,恬diamˊ靜設備好又便宜,劉董事長佢giˇ介ie公子,開一間店專門賣伴panˊ手禮介ie豬腳,蓋Q蓋香蓋好食。
丙客人:聽你賣豬肉介人都會恁稱qinˊ說sodˋ,定著cog好食!同時對客家文化恁anˋ熱心,一方面來拜訪劉董事長,一方面來去交gauˊ官豬腳。
阿清頭:著cog哪!一舉兩得!挖iadˋ蜆hanˋ仔neˋ兼洗褲fu。
丙客人:𠊎還係買粉腸炒薑絲xiˊ好了veˊ。
阿清嫂:豬腸同豬肺hi放薑giongˊ絲xiˊ木耳miˋ炒,蓋有客家味mi緒xi。
丙客人:好!買豬腸同豬肺hi。
阿清嫂:(看到有丁客人在該ge等)老公!豬腸同豬肺,你來切。
阿清頭:好!
阿清嫂:(應付下一位客人)壞勢se噢ioˊ,分bunˊ你等恁anˋ久!
丁客人:聽你講內埔有客家會館,有好歇hiadˋ夜,價錢又公道,下隻月𠊎台北有親戚來時,𠊎才帶佢giˇ來內埔歇hiadˋ!
阿清嫂:請問你今晡buˊ日愛買奈nai部分的ne豬肉!
丁客人:[腹fug脅hiab肉]。
阿清嫂:腦筋一時轉zonˋ唔mˇ過來,[腹脅hiab肉]係麼介肉!(問老公)唉eˋ…[腹脅肉]客家話係講麼介肉啊gaˇ!
阿清頭:有人講五花肉,客家話講三層腈jiangˊ肉啊gaˇ。
阿清嫂:係哪naˊ!這部位介豬肉油脂較go多,食起來Q嫩。
丁客人:𠊎係愛做西式的le培根。
阿清嫂:中式的燜munˊ肉用這部分乜me蓋goi合適。
丁客人:𠊎人少買50個be銀就罅la了veˇ。
阿清頭:馬上好!(秤ciin了neˇ一下,超過一些xidˋ些)52算50個be銀就好。
丁客人:承蒙!(人客尖一路來)
戊客人:老闆!𠊎ngaiˇ愛買豬肉。
阿清嫂:剩(伸)cunˊ後腿肉了geˇ。
戊客人:無相關,啀愛做料理做灌腸(丸錢),就係愛後腿肉介部位。
阿清頭:愛做灌腸(丸錢),這兜剩(伸)cunˊ的ne全部拿去,算你便宜兜好無moˇ?
戊客人:還有愛留兜deuˊ地veˊ來切肉絲xiˊ同切片,煮菜用介nge。
阿清頭:好!無問題一併bin處理。
戊客人:𠊎一家人食你倆公婆賣介ie豬肉,食慣了neˇ,食別人賣介食毋慣!
阿清嫂:承蒙!承蒙!大家!豬肉賣淨了ngeˇ,𠊎等愛收擔了meˊ!
阿清頭:一隻大豬肉無到十一點,全部豬肉賣淨淨,請人客若係無肉類,就毋豐pongˊ富pai,廚師不但對豬肉介料理的講究。一般客家婦女對豬肉的料理也最拿手,尤其客家年長的婦人家,在鄉村生活中累luiˇ積jidˋ蓋多無師自通的技巧同手藝ngi。就像阿錦伯姆燜munˊ的爌肉,食過的ve人,儕saˇ儕都緊比手指公!講到阿錦伯姆同阿鈴,講人就人到。
阿  鈴:逐dagˋ擺啀燜munˊ的ne爌fungˊ肉,𠊎老公就講無您燜munˊ的ne恁好食,麼介原因!
錦伯姆:𠊎教妳!大約一斤的生豬肉,切一垤de一垤好,用滾水燙過。
阿  鈴:唔ngˋ….用豬仔介奈nai部分肉。
錦伯姆:三層肉最好,一層肥一層靚jiangˊ,燜munˊ的爌肉蓋堵duˋ好。
阿  鈴:(依照方式將豬肉切好,滾水燙過)滾水一熝lug啊ga去就好了veˇ。
錦伯姆:放鑊vog仔[火辟]biag[火辟]啊gaˋ。
阿  鈴:愛[火辟]biag幾久!
錦伯姆:油[火辟]biag出來,莫忒tedˋ赤cagˋ。
阿  鈴:媽媽!恁anˋ地neˊ做得無moˇ!
錦伯姆:莫恁烈ladˋ火。
阿  鈴:(將瓦ga斯火轉細se)過了veˇ呢!
錦伯姆:放四~五粒蒜頭仁,敲kau綿mienˇ放下去,才nang會香。
阿  鈴:好!放好了veˇ!
錦伯姆:再放半碗豆油(醬油),就有鹹hamˇ。
阿  鈴:半碗豆油(醬油),放好了。 
錦伯姆:再放大約半碗米酒,才不會臭豬內臊soˊ味mi。
阿  鈴:半碗vonˋ米酒。
錦伯姆:再放一湯匙ciiˇ介冰糖。
阿  鈴:做麼magˋ介愛放冰糖。
錦伯姆:放冰糖燜munˊ的爌fungˊ肉才會有靱ngiun性,才好食。
阿  鈴:哇va!香位出來了ieˊ!還愛放麼介無moˇ。
錦伯姆:放一碗燒滾水,就用細se火放佢慢慢燜munˊ,半點鐘後就蓋好食了。
阿  鈴:奇怪!𠊎乜係共樣的步驟做,燜的爌肉就無恁好食。
錦伯姆:功夫無罅la!
阿  鈴:哈ha哈哈!。媽您去廳下聊liau,換您第四個心舅阿年教𠊎客家小seuˋ炒。
錦伯姆:好!等妳兜deuˊ煮。
阿  鈴:阿年!妳介炒肉比飯店炒介還較go好食,來教啀!
阿  年:先看幾多人數愛食,人少用一尾燥zauˊ魷iungˇ魚仔ngeˋ。
阿  鈴:燥zauˊ魷魚恁anˋ硬ngang呢ne!
阿  年:兩點鐘前,𠊎有放水浸軟ngionˊ了neˇ,用剪刀剪絲xiˊ,剪好放一邊。豆腐乾gonˊ洗淨切絲,青蔥cungˊ仔ngeˋ洗淨切一節jiedˋ一節,愛在放芹kiunˇ菜,葉捏nedˋ忒hedˋ,處理好放一邊。還有豬肉切條塊同蔥仔一樣長、一樣大塊。
阿  鈴:這兜deuˊ基本材料𠊎知diˊ,炒才nang係功夫。
阿  年:先將豬肉放鑊vog仔[火辟]biag過。
阿  鈴:同燜的爌肉的步驟有共樣係無。
阿  年:燜munˊ爌同炒肉,豬肉的形式無共樣。
阿  鈴:燜munˊ爌較大垤de,炒肉較細se垤de。
阿  年:豬肉[火辟]biag到轉黃色,[火辟]好放一湯匙豆油,豬肉剷起盤仔放一邊。油留等nenˋ鑊vog仔將放剪好介魷魚絲xiˊ,放落去[火辟],順便放酒再放一些xidˋ豆油。
阿  鈴:酒除臭腥味係無,放豆油較go合gagˋ味噢ioˊ。
阿  年:放米酒不但除臭腥xiangˊ味mi,燥魷魚絲會較go軟。
阿  鈴:噢oˋ!所以才唔mˇ會忒tedˋ硬ngang,老人家無牙齒[口焦]ceu毋到doˋ來食。
阿  年:著cog!
阿  鈴:魷iungˇ魚絲[火辟]好,放豆腐干,爆赤以後,[火辟]好的豬肉條倒共下炒!
阿  年:著cog!再放蔥白pag先炒,再放蔥尾,放芹菜炒。
阿  鈴:哇va!蓬pung香的nge客家小炒上桌了geˊ!加上好食的爌肉,怪唔得,緊來緊發福(大箍koˊ) 了veˊ!
阿  年:先食再講,天光日正來減gamˋ肥piˇ,還有三層腈jiangˊ豬肉煮,媽媽滷luˊ的鹹hamˇ菜。
阿  鈴:別位食毋到介,又係好料,大家來食飯囉lioˊ。
阿  年:灶zo下的料理煮、煎、悶、………….蓋多,會煮同唔會煮介,味mi緒xi就無共樣,所以講討姐jiaˋ愛討客家妹。
------------.
◆本文客語(四縣)注解:
1.今晡buˊ日:今天。樣ngiongˋ有:怎有。
2.罅la擺bai:足夠。賣忒hedˋ:賣完。
3.緊ginˋ食菸:一直抽菸。做事se:勞力工作。
4.痶tiamˋ:疲勞。留等nenˋ:留著。
5.註zu文:事先登記。若naˊ係:若是。
6.對半:一半。兩析sagˋ:兩片。
7.安到do:叫著。背囊nongˇ:背部。
8.姐jiaˋ仔veˋ:太太。這兜deuˊ:這些。
9.見擺baiˋ:每次。惹ngiaˊ:你的。
10.奈nai有:那裡有。承siinˇ蒙mungˇ:謝謝。 
11.87個le銀ngiunˇ:87元。中dung央ong:古音字,中央。
12.烏vuˊ豬:黑。恁anˋ猴:這麼奇怪。
13.樣ngiongˋ無:怎麼沒有。細se垤de:小塊。
14.蓋goi甜:很甜。汁ziib水:豬菜煮的食料。
15.有影iangˋ:真的。毋識siidˋ:不曾。
16.豬腳kaˇ(giogˋ):豬腳。交gauˊ官:買。
17.定著cog :一定。稱qinˊ說sodˋ:誇獎。
18.著cog哪naˊ:對呀。木耳miˋ:木耳。
19.味mi緒xi:味道。壞勢se:不好意思。
20.尖jiamˊ一路來:擠過來。係he哪naˊ:是啊。
21.歇hiadˋ夜:過夜,(歇,紮,住)不同義。灌腸:丸錢。
22.淨qiang淨:完。儕saˇ儕 :每一個人。
23.熝lug:盪。堵duˋ好:剛好。
24.忒tedˋ赤cagˋ:太熟。恁anˋ地neˊ:這樣。
25.瓦ga斯:煤氣。烈ladˋ火:火烈。
26.豆油:醬油。過了veˇ呢:下一步。
27.敲kau綿mienˇ:敲碎。無罅la:不夠。
28.燥zauˊ魷iungˇ魚:乾魷魚。合gagˋ味:合口味。
29.著cog:對。大箍koˊ(kieuˊ):發胖。
30.蓬pung香:很香。灶zo下:廚房。
----------
客家食譜料理詞彙<四縣語注音>&簡釋:
1.煠sab:食物與清滾水,使之半熟。煠<牲儀,牲體,牲人>。
2.(火巢)sauˇ:食物放入清滾水,隨即取起,(火巢)豆菜。
3.炒cauˋ:食物放入熱鑊,加少許或無油水,使之熟,炒肉絲,菜。
4.熅vunˇ:食物與滾水或加料,長時細火使之爛熟,熅膏。  
5.焢fungˊ(封):如熅,但未之使之爛熟,封大封,小封,封(俗字)。 
6.煮zuˋ:食物放入清水,加火使之滾熟。<煖水&煮水>不同。 
7.煖nonˊ:煮熟後冷卻,再使之溫,但不滾與不再加佐配料,煖水。
8.燜munˊ:半熟食物與佐配料調理好,再蒸之使熟,燜飯干。
9.燉dunˊ:容器盛物置於鑊中蒸煮,燉補。 
10.烰peuˇ:食物加粉類置於滾油中,使之熟,甜不辣(誇垤deˊ)。烰poˇ。 
11.蒸ziinˊ:食物置於水上面,用蒸氣使熟,蒸甜粄banˋ。
12.餾liu:食物蒸熟冷卻硬化後,再蒸之。<蒸ziinˊ&餾liu>。
13.煎jienˊ:魚肉粄類加油使熟,<煎油&油煎>不同。 
14.熇hogˋ:魚類熟冷後,再使之溫熱,熇魚仔。<煎&熇> 。
15.炸za:肥肉使之出油→煎油。客華語<炸→烰peuˇ(poˇ)>字義不同。
16.(火辟)biag:薄肉片強火使熟,(火辟)biag麻油。
17.爆bau:大塊肉類強火使熟。
18.熝lug:粄條類急速瞬時置滾水中使熟,熝lug面帕粄banˋ(粄條)。
19.炕hangˊ:食物置於火或碳火介上面使熟。
20.炙zagˋ:食物加水於壺中置觸於碳火或溫火使之滾。炙(茶,藥)。
21.煲boˊ:食物加水用烳pu<金嬴>loˇ使之滾熟m<金嬴>合字內<女>改<果>。
22.煨voiˊ:食物置於熱灰中使熟。
23.燴fi:飯與調理妥介料理,攪giauˊ合gabˋ食用。
24.(火翕)hibˋ:如菜瓜類置鑊中揜giemˇ蓋加溫使熟。(火翕)hibˋ人相打。 
25.湯tongˊ:肉菜類加多量水煮滾。
26.味mi:菜類不加水(火翕)出之湯汁。
27.醬jiong:瓜果類加(豆蒲puˇ,糖,鹽)醃漬置於缸類中者。
28.傾jiang:菜類晒干置於瓶中倒置保存者。倒do倒do傾jiang:頭下腳上。
29.滷luˊ:未經煮熟之肉或瓜果類加鹽保存者 。 
30.臘lab:已煠sab半熟之肉類加鹽曬干保存者 。 
31.鹽iamˊ生sangˊ:瓜果類切成薄片拋鹽介生菜。
32.蔭im:瓜果類只加鹽醃漬置於缸類中者。
33.掞iam:兩指取之,或瓶中慢慢散細倒,掖ie:掖iaˋ而散之。
34.摝lugˋ散:由內圈向外或先由連續左右再前後使之分散。
35.攪giauˊ合gabˋ:由外圈向內使之結合。
36.鍬qiauˊ勻iunˇ:由下而上翻復使之均勻。
37.拜bai番豆衣:用平底箕類由內向外揚棄。(簸bai箕)。
38.拋pauˊ鹽:食物加鹽用盆類由外向內上下拋動。
39漱cug:如牛乳罐仔上下振動,漱cug(zug)漱cug(zug)啊gaˋ。
=======.
客家商業用語會話(一)
第十一課  開拓togˋ商機
◇劇中人:許理事長,邱理事,賴理事。
理事長:𠊎ngaiˇ認為一般成功的人會尋qimˇ方法,失敗的ie人會去尋理由來做解釋siidˋ。
邱理事:該ge是sii當然哪naˊ!愛使siiˋ講!
理事長:你兜deuˊ有聽過[賣梳仔分bunˊ和voˇ尚介nge故事]無moˇ? 
賴理事:笑seu死人!大家又係me知diˊ[和尚係光頭又搭dabˋ光頂dangˋ]!
邱理事:對dui啊iaˇ!和尚奈nai有頭那naˊ毛好梳siiˊ呢?
賴理事:包準zunˋ無半個ne和尚會買介ie! 
理事長:但是製造梳仔介老闆banˋ,偏偏派業務員將梳仔eˋ拿到山頂高介廟堂去賣。
邱理事:這做梳仔eˋ介ie老闆想法樣ngiongˋ會恁anˋ生趣qi呢?  
賴理事:𠊎知diˊ!𠊎知!梳仔介老闆腦筋有問題!心理有變態tai!
理事長:你兜deuˊ介想法,同一般人介ne想法是共樣iong介nge。
邱理事:請問許理事長!該ge 梳仔介老闆係自家去,也係he喚vonˋ別ped人去賣呢? 
賴理事:一定喊hemˊ業務員去賣!
理事長:對!業務員去到廟堂時,第一位介ie業務員,去到時看到全部和尚無頭那毛--。
邱理事:該ge一定翻fanˊ頭就走,著cog無moˇ?
賴理事:若係he係he𠊎,又係me相同會落lod尾仔ieˋ走到[尾楔liabˋ屎]!
理事長:但是!
邱理事:又還有[但是sii]噢oˋ!梳仔拿到山頂廟堂賣,若naˊ係有生senˊ理,𠊎介頭那才剁do下來分你做[頓dunˋ頭仔]坐。
賴理事:係he!加上𠊎這一粒頭!一共兩粒作保證。
理事長:有影正來講,你等兩儕saˇ[亡口]mangˇ好恁遽giagˋ下定論。
邱理事:無moˇ成sangˇ 再過派人去賣哪naˇ?
理事長:唔ngˋ!梳仔老闆又派另外一個業務上山去賣梳仔eˋ。 
邱理事:係he唔mˇ係me共樣無人買! 
理事長:另外這個業務員賣到當晝zu時,賣了ieˇ一支。
邱理事:哈ha哈ha哈!光頭和尚仔買梳siiˊ仔eˋ,奈nai 有可能的ne啊iaˇ!
賴理事:哈ha哈哈!真係目瞽kuˋ介行路怙ku杖啄dug到[禁gim 只ziiˋ]---[注死的ie]! 
理事長:業務員心肝肚暢tiong到愛唔得,三步做兩步走,走zeuˋ轉來同老闆講,有和尚仔來同伊買梳仔eˋ了ieˇ。
邱理事:該ge 老闆一定感覺到到相當有成就感係無moˇ!
賴理事:該ge老闆反應又仰(樣)ngiongˋ般? 
許理事長:老闆banˋ一句話也無moˇ講。
邱理事:係he麼magˋ介意思?
理事長:因為伊iˇ將梳仔賣分bunˊ一個堵duˋ好發bodˋ臭cu頭介ve細和尚仔ngeˋ,去刮guadˋ臭頭疕piˋ仔ieˋ 哇vaˋ!
邱&賴理事:哈哈哈!天下ha事無奇不budˋ有!
邱理事:真係目瞽kuˋ仔行路怙ku杖仔啄dug到[禁gim只ziiˋ]!
賴理事:過後,還有派人出去賣無?
理事長:有!梳仔介老闆又再派第三位業務員上山去賣。
賴理事:唉ai 喲ioˊ!該ge老闆實在[硬殼hogˋ]固執ziibˋ噢boˊ! 
邱理事:無成sangˇ山頂廟堂全全係he臭頭和尚哪naˇ?[涯]唔mˇ相信! 
理事長:這擺比上擺生理又較go好,一共賣了ieˇ十支,盡qin暢遽遽giagˋ走轉來向老闆報告。
賴理事:這擺baiˋ梳仔頭家面上hong一定有歡喜了ieˇ! 
理事長:歡喜是siiˇ歡喜,唔mˇ係me盡歡喜。
賴理事:又仰ngiongˋ般講[唔係me盡歡喜]?
理事長:因為工錢油錢都唔mˇ罅la!
邱理事:許理事長!你這個故事實在拖toˊ棚pangˇ噢ngoˊ。
賴理事:無成sangˇ梳仔老闆,又再派第四個ie業務員上山賣梳仔哪naˇ!
理事長:著cog!梳仔老闆再派第四個業務員去賣,生意總算做成sangˇ了ngeˇ。
賴理事:係he喲ioˋ!𠊎無moˇ了liauˋ解,第四個ie生意係仰樣(仰)ngiongˋ般做成sangˇ介nge。
理事長:你兜deuˊ想看啊na是sii,老闆派第一個業務員無賣到doˋ半支著cog無? 
邱理事:第二個賣一支,業務員用誠意感動了ngeˇ細和voˇ尚仔買去刮臭cu頭介ve疕piˋ仔 ieˋ 。
賴理事:第三業務員建議住cu持ciiˇ和尚,買一些xidˋ梳仔放在廟前,方便香客到廟堂梳洗以後,愛整理頭毛才nang去禮佛參拜,和尚聽了愐menˋ到有道理,所以買了ieˇ十siib支梳仔eˋ
理事長:結果老闆又再派第四個業務員上山,去向和尚探討[宏fenˇ揚佛法]介be要領。
邱理事:業務員對和尚樣(仰)ngiongˋ般講?
理事長:業務員講[佛法介be精髓suiˇ]在金剛經,伊iˇ有辦法使令到do[學佛者隨時看到,摸miaˊ到金剛經]。
賴理事:這位高僧semˊ和尚定著cog會問用麼magˋ介辦法?
理事長:業務員講[將金剛經]刻在梳子介柄biang上hong 。
邱理事 :唔ngˋ![棚pangˇ頂高睡目]!高明!高明!有道理!
理事長:重點係梳仔介ie一支成本係10個be銀,刻金剛經的成本係10個銀ngiunˇ。
邱理事:所以總成本是愛20個be銀ngiunˇ。
理事長:因為是有刻寫金剛經的梳仔,可以使人人來[重視佛法運用佛理],再加上本廟堂介堂號與佛祖神力[加持],市價可以賣到100個ge銀,係一門盡好的ve生理,也係[宏揚佛法]介好方法。
賴理事:原來係[創造梳仔介附加價值],並將山上的nge寺廟做為梳子介另一個[促銷通路],金剛經也經由梳仔傳遞 ti 出去。
邱理事:理事長!恁anˋ地neˊ一個廟堂一年愛訂製幾多啊vaˇ?
理事長:噢oˋ!這係商業同廟堂介機密,不得詳講,幾十萬支有啦!
賴&邱理事:係he喲ioˋ!當慶kiang介頭腦!噢oˋ!時間無早了veˇ!𠊎等來轉嗄haˇ!
理事長:轉啊naˋ!你等兩粒頭那愛留下來噢io! 
賴&邱理事:理事長!請原諒!𠊎等無愐menˋ到[產品附加價值]原理介重要性,敬請 理事長大赦sa一次[無罪&唔使押abˋ金&隨傳隨到],釋放[涯]等兩儕saˇ轉屋家!  
理事長:好!嘎ga就,赦sa佑iu汝兜deuˊ,輕鬆轉屋家!順行噢ngoˊ!正來聊liau!
 -------------.
◇本文客語文(四縣)注解 : 
1.凌linˇ雲:騰tinˋ雲,喻非常高大的意思。[涯ngaiˇ]:我,改人部首。
2.萬van般banˊ:指一切,眾數。也係he:也是。
3.合gabˋ共下:依照成份比例結合。頭前介ne:前面的。
4.附加價值:兩或數種結合共下,所增加的效用與價值。價值→價格。
5.行hangˇ銷seuˊ:係指由[計劃產品變成商品]等等一切過程,主要係[產
品,價格,促銷,通路]等四大項(又稱四P.)介綜合運用。
6.該ge是sii:那是。愛使siiˋ講:不用說便知。
7.你兜deuˊ:你們,你等nenˊ(南部首)。分bunˊ:給。
8.又係me:又是。[係me]音用在[否定,疑問,轉折句]。
9.頭那naˊ毛:頭髮。頭那naˇ:頭顱。
10.包準zunˋ:保證一定是。老闆banˋ:頭家,主人。
11.樣ngiongˋ會:怎麼會。恁anˋ:很,這麼。共樣iong:一樣。
12.自qidˋ家:自己。喚vonˋ:指使。喊hemˊ:指使(邀請)。
13.著cog 無moˇ:對嗎?,無[moˇ(白讀音),vuˇ(文讀)]。
14.若naˊ係he:若是。落lod尾仔:夾尾巴,尾楔liabˋ楔。
15.尾楔liabˋ屎:落尾又怕到瀉屎。[瀉xia,漏 lau ,洩xied]字義不同。
16.頭那naˇ:頭顱,頭。兩儕saˇ:兩人。
17.[亡口]mangˇ好:不要。[亡口]mangˇ→上[亡]下[口]字。
18.恁遽giagˋ:這麼快。無moˇ成sang ˇ:難道是。
19.唔ngˋ:小聲說[是]。唔mˇ=毋mˇ。
20.生senˊ理liˊ:生意。係he唔mˇ係me:是不是。係me用在(疑問,否定,轉折)句。
22.當晝zu:中午。奈nai 有:那有。
23.哈haˋ哈哈!:當高興,客語有動詞或形容詞三字詞,表示連續不間gam斷,客語感嘆詞[1,2,3]字&[1,4]聲介語意不同。間gam格:隔一格。
24.目瞽kuˋ:瞎了眼睛的人。怙ku杖:拿枴杖。啄dug到:插到。
25.禁gim 只ziiˋ:戒子。金戒giai蛄guˊ:鑲有寶石類的戒子。
26.暢tiong到愛唔得:暢tiong →高興。愛唔得:受不了。
27.走zeuˋ轉來:快步跑回來。行:慢步。亍cogˋ:零散步。
28.堵duˋ好:剛剛好。發bodˋ臭cu頭:生癩痢頭,雞屎堆。
29.疕piˋ仔ieˋ:薄薄平平的小片子。傷口→結瘌ladˋ→結.疕piˋ。
30.硬殼hogˋ:不信邪,偏偏,固執。著cog:對。
31.全qionˇ全係he:大部份都是,輒gaˋ輒係。輒jiab輒。
32.唔mˇ罅la:不夠,不足。仰ngiongˋ般講:怎麼講。
33.愐menˋ到:暗中思考。定tin著cog:一定是。
34.棚pangˇ頂dangˋ高睡目:歇hiadˋ後語,在高處眠(睡覺),指高明。
35.10個be銀ngiunˇ:十塊錢,十元。[棟樑,桁,桷,棚pangˇ(木乘)siin ]詞義不同。
36.附加價值:指一種商品搭dabˋ配另外一種商品結合所增加的效益或價值。
37.嘎ga就(tu ,qiu):那麼。[就]有(tu,lu,qiu)三音。
38.經濟與行銷觀念:效用(utility),需求(demand),需要(want),價格(price),價值(price),整合(Integrated)--- 。
================

https://www.shop2000.com.tw/幼幼客家園地
https://yuyuhakka.shop2000.com.tw

執行速度:7.458